lyrics
Hoxe hai xuntanza no porto da Guarda,
un par de charranes van ir a pescar,
cheirando a carnada, entraron na tasca,
pra tomar unhas tasas antes de ir a larghar.
Na primeira casea, que era de cacharros,
xa botei a rosegha, non a demos topado,
enghanchóume nas pedras pola banda de terra
mais quedou todo atrás, mais quedou todo atrás,
botéille man á seghunda, despois dun capote,
a ver se hai máis sorte, o chícharo está a flote,
porque lle deixei, contando cá maré,
catro brazas de máis, catro brazas de máis.
De charráns ghañamos un diñeiro
pra subsistir día a día que é o que quero.
Imos pra terra sellados de camarón ben ghuapo,
un capacho de polbo e tamén de lenguado,
un salabardo de nécora, e centola tamén,
recorreremos o porto, a ver se vendemos ben.
Os vixiantes da Xunta esperan en terra
a ver se poden trincarnos ou varar a ghamela,
pero somos máis listos e saltamos pas pedras,
un escapa co peixe, outro fondea a ghamela.
De charráns ghañamos un diñeiro
pra subsistir día a día que é o que quero.
Teñen que gañarse a vida como sexa
pois ninguén vai darlles outra oportunidá,
pescan polas noites se hai boa maré
e se teñen sorte, algo sacarán,
teñen que gañarse a vida como sexa
pois ninguén vai darlles outra oportunidá,
pescan polas noites se hai boa maré
e se teñen sorte, algo sacarán, algo sacarán,
algo sacarán, vivindo coma charráns.
credits
license
all rights reserved